គុណម្តាយ

១-	បុណ្យបាបត្រូវខុស	សុខទុក្ខកំហុស	មានគ្រប់រូបា
	សម្បត្តិកំណើត	តែងកើតធម្មតា	មនុស្សរែងប្រាថ្នា
		ផលបុណ្យមិនខុស ។
២-	គុណគាប់កុសល	គួរកបកើតដល់	ទប់ស្កាត់កំហុស
	ស្លាប់ស្លុងមិនគិត	ងងឹតធ្វើខុស	កម្មផលដាំដុះ
		រងអកុសល ។
៣-	កូនខ្លះសប្បាយ	រីករាយជេរម្តាយ	ភ្លេចគិតហេតុផល
	លុះរងគ្រោះកាច	ភ័យខ្លាចបាបផ្តល់	ពោលពាក្យកុសល
		ហៅម្តាយឱ្យជួយ ។
៤-	កូនសុខសប្បាយ	រឭកគុណម្តាយ	គុណលោកជំនួយ
	គុណម៉ែធំធ្ងន់	សីលគុណលើកស្ទួយ	បាបទោសភ័យព្រួយ
		មិនមានឡើយណា ។

ធនាគារ អេស៊ីលីដា ភីអិលស៊ី | កម្រង​កំណាព្យ​អប់រំ