កូនអើយកុំក្រ

១-	ក្រឫកពាល្អ	ក្រកាយបវរ	ក្រគាប់ទន់ភ្លន់
	ក្រឱនជិតស្និទ្ធ	ក្រចិត្តដឹងគុណ	ក្រស្រាលយល់ធ្ងន់
		កើតកាយឆ្គាំឆ្គង ។
២-	ក្រពាក្យសម្តី	ក្រកិច្ចគិតខ្លី	ស្តីខុសទំនង
	ដៀលជេរផ្តាសា	ឡូឡារំពង	ឫកពាជួជង
		ឱ្យញាតិឈឺចាប់ ។
៣-	ក្រចិត្តស្មោះសរ	ក្តួលក្តៅបន្ត	ឆាបឆេះអួអាប់
	លោភលន់បង្ក	យល់ល្អចំណាប់	ល្ងិតល្ងង់កាន់កាប់
		ក្នុងនគរកាយ ។
៤-	ក្រកិច្ចក្រកល	ក្រដឹងដិតដល់	ក្រនាំអន្តរាយ
	ក្រវៃច្នៃទាស់	ក្រវាស់វែងឆ្ងាយ	ស្តាប់ឪពុកម្តាយ
		កូនអើយកុំក្រ ។

	ទំនាក់ទំនងឆ្គងសម្តី	កាយពុំគប្បីចិត្តឫស្យា
	ខ្វះខាតអង្គមួយនាំខូចការ	ល្អរៀនរក្សាអង្គទាំងបី  ។

ធនាគារ អេស៊ីលីដា ភីអិលស៊ី | កម្រង​កំណាព្យ​អប់រំ